专题
【哈萨克斯坦纳扎尔传媒网】Шанхайда 8-ші Қытай халықаралық импорт ЭКСПО-сы ашылды 发布日期： 2025年11月07日 来源：哈萨克斯坦纳扎尔传媒网
Қытайдың іскерлік және инновациялық орталығы саналатын Шанхайда бүгін 8-ші Қытай халықаралық импорт ЭКСПО-сы (CIIE) өз жұмысын бастады. Ауқымды шараның ашылу салтанатында ҚХР Мемлекеттік кеңесінің премьері Ли Цян сөз сөйлеп, әлемдік экономиканың ашықтығы мен өзара ынтымақтастықты нығайтудың маңыздылығына тоқталды.
ЭКСПО биыл қараша айының 5-інен 10-ына дейін Шанхайдағы Ұлттық көрме және конференция орталығында өтеді.
Әлемдік рекорд және жаңа мүмкіндіктерге арналған алаңда халықаралық маңызды мәселелерге жол ашылған.
Қытай Халық Республикасының Сауда министрінің орынбасары Шэн Цюпиннің мәліметінше, биылғы көрмеге 155 елден, өңірден және халықаралық ұйымнан 4108 шетелдік компания қатысып отыр. Жалпы көрме алаңы 430 мың шаршы метрді құрап, CIIE тарихындағы ең ірі көрсеткішке жетті.
Көрме аясында «Хунцяо» халықаралық экономикалық форумы ұйымдастырылған. Форум бағдарламасына 33 қосымша панельдік отырыс, жабық кездесулер мен 80-нен астам іскерлік іс-шаралар — соның ішінде инвестиция тарту және сауда байланыстарын орнатуға арналған кездесулер енген.
Форум барысында «Әлемдік ашықтық туралы баяндама – 2025» және Жаһандық ашықтық индексі жарияланбақ. Ал ЭКСПО көрмесінде 461 жаңа өнім, технология және қызмет түрі алғаш рет көпшілік назарына ұсынылады.
Қазақстан үшін бұл ЭКСПО – Қытаймен өзара сауда-экономикалық серіктестікті тереңдетудің маңызды алаңы.
Шара барысында қазақстандық компаниялар өздерінің экспорттық әлеуетін таныстырып, азық-түлік, ауыл шаруашылығы өнімдері, металлургия, жеңіл өнеркәсіп және логистика салаларында жаңа серіктестермен келісімдер жасасуда.
Сарапшылардың пікірінше, CIIE көрмесі Қазақстан үшін Қытай нарығына шығудың тиімді жолын ұсынып отыр. Екі ел арасындағы сауда айналымының тұрақты өсімі, көлік-логистикалық жобалардың дамуы және шекаралық ынтымақтастық — аймақтық экономиканың жаңа серпініне айналуда.
Қазақстандық делегация өкілдері атап өткендей, Қытайдың импортты кеңейту саясаты мен ашық нарықтық стратегиясы Орталық Азия елдері үшін экспорт көлемін ұлғайтуға нақты мүмкіндік береді.
2018 жылы алғаш рет өткізілген Қытай халықаралық импорт ЭКСПО-сы әлемдік сауда тарихында жаңа парақ ашты. Сол уақыттан бері бұл алаң жыл сайын кеңейіп, инновациялық мазмұнымен ерекшеленіп келеді.
CIIE — импортқа арналған әлемдегі алғашқы ұлттық деңгейдегі ЭКСПО, және жеті жыл ішінде ол 3000-нан астам жаңа өнім, технология және қызмет түрін ұсынды. Жалпы сауда келісімдерінің құны 500 миллиард АҚШ долларынан асты.
CIIE ұйымдастыру комитеті басқарма басшысының орынбасары У Чжэнпиннің айтуынша, қазіргі жаһандық экономикалық тұрақсыздық жағдайында бұл көрменің маңызы ерекше.
«CIIE – ашықтыққа, өзара тиімді ынтымаққа және тұрақты дамуға жол ашатын маңызды платформа. Ол әлем елдерін бір мақсатта – ортақ өркендеуге ұмтылуда біріктіреді», – деді У Чжэнпин.
8-ші Қытай халықаралық импорт ЭКСПО-сы — тек сауда алаңы ғана емес, сонымен бірге жаңа идеялар, технологиялар және экономикалық серіктестіктердің тоғысқан орны.
中国国际进口博览局（以下简称“进口博览局”）非以营利为目的引用或转载媒体报道，相关行为旨在促进信息共享，不构成对原刊发内容真实性、准确性及合法性的担保或官方立场背书。本网站转载内容的著作权及法律责任均归属于原刊发媒体及作者。
如任何单位或个人认为本网站转载的文章侵犯其合法权益，请及时向我们提出书面意见并提供相关证明材料和理由，我们将在收到上述文件后及时对相关内容进行删除、修正标注或采取其他妥善的处理措施。
引用或转载内容所涉及的信息可能存在时效性差异，用户应对所载信息的准确性和完整性进行独立判断。本网站不承担用户就使用或未能使用本网站所载信息或链接所引致的任何直接、间接、附带、从属、特殊、惩罚性或惩戒性的损害赔偿责任。
进口博览局始终尊重知识产权，致力于在合法合规的框架内提供优质的内容服务。